紅酒配牛肉好boring？不如試下威士忌配牛肉

Full-bodied 紅酒配牛肉從來無失手，不過成日用紅酒配牛肉有時都好boring。近日去了Hullett House 的Whisky Stables 試了5款THE MACALLAN威士忌配5款牛肉，包括Fine Oak 12年配牛肉他他、Double Cask12年配鐵板燒汁牛肉批、Sherry Oak 12年配烤牛脊配紅酒汁、Edition No.2 配烤西冷串配青胡椒汁，以及Fine Oak 17年配牛肉薄切卷配黑椒汁。

就咁齋飲，要我5杯揀1杯，我會飲Sherry Oak 12年先，以全歐洲雪莉箱陳年，夠classic！入口順滑輕快，帶拖肥、蘋果、橙花等味，好易容唔覺意就飲完一杯。然後我會飲Fine Oak 12年（用美國Bourbon桶及歐洲雪莉桶陳年）同Double Cask12年（用美國雪莉桶及歐洲雪莉桶），再同Sherry Oak 12年比較，大家都係12年，不過3款玩不同桶，即刻可以知自己鍾意邊個style多些。跟住會飲Fine Oak 17年，感受一下多5年的功力，而真的更優雅及細緻。最後會試以7款不同風格的橡木桶釀造的Edition No.2，感受不同桶所帶出的層次。

威士忌配牛肉其實也不會失手，因為牛肉味夠濃，不會比威士忌搶風頭，而牛肉的油香更會增加威士忌的圓潤感。在Hullett House行政總廚Marc Toutain設計的5款佐酒小吃中，我覺得最突出的反而係THE MACALLAN Double Cask12年配鐵板燒汁牛肉批，燒汁帶起Double Cask12年的雲尼拿及蜜糖味，而威士忌亦帶出牛肉的油香及濃郁，互相提升！yummy！下次吃牛排時都試下加點威士忌去調味或試試用威士忌去pair牛排啦！